KONU: Tosya’daki
Abdurrahman Paşa Vakfı’nın tevliyetinin Mustafa Efendi’ye tevcihi ile ilgili
berat
Nişânn-ı
şerîf-i âlîşân-ı sâmî-mekân-ı sultânî tuğrâ-yı garrâ-yı cihân-sitân-ı hâkânî
nüffize bi’l-ayni’r-rabbânî hükmü oldur ki;
Tosya’da
vâkî‘ müteveffâ Abdurrahman Paşa Vakfı’nın yevmî altı akçe vazîfe ile
mütevellîsi olan İsmail Halife (…) kendi hüsn-i rızasıyla yedinde olan berâtın
virüp mutasarrıf olduğu tevliyeti oğlu erbâb-ı istihkâkdan işbu râî‘u tevkî‘-i refi‘i’ş-şân-ı
hâkânî Mustafa zîde kadruhûya ferâgat ve kasr-ı yed itmeğin kasr-ı yedinden
tevcîh olunup yedine berât-ı şerîf-i âlîşânım virilmek bâbında fâriğ-i mezbûr
memhûren istid‘â-yı inâyet itmeğin rızasıyla kasr-ı yed vâki‘ ise şartıyla
kasr-ı yedinden oğluna tevcih olunmak fermânım olmağın hakkında mezîd-i
inâyet-i pâdişâhânem zuhura getürüp bin iki yüz on dört senesi Cemâziye’l-âhirinin
yedinci günü târîhiyle müverrah virilen ruûs-ı hümâyûnum mûcebince bu berât-ı
hümâyûnu virdim ve buyurdum ki;
Mezbûr
Mustafa zîde kadruhû varup kasr-ı yed iden babası merkum yerine vakf-ı mezbûrun
mütevellîsi olup edâ-yı hıdmet eyledükden sonra ta‘yîn olunan yevmî altı akçe
vazîfesin vakf-ı mezbûr mahsûlünden alup mutasarrıf ola şöyle bileler alâmet-i
şerîfe i‘timâd kılalar.
Tahrîran
fi’l-yevmi’l-âşir şehr-i Cemaziye’l-âhir sene erba‘a aşar ve mieteyn ve elf (10
Cemaziye’l-âhir 1214 – 9 Kasım 1799)
Hiç yorum yok:
Yorum Gönder